--..

ဒီလိုအင်္ဂါနေ့မျိုးမှာ မင်း ဘယ်လိုနေလဲ
အပြင်မှာလေတွေတအားတိုက်နေတယ်
မျက်နှာကြက်ကမီးလုံး မှိတ်ချည်လင်းချည်ဖြစ်နေတယ်
တံခါးချပ် ကျွီခနဲပွင့်သွားတယ်
လေစီးကြောင်းက ငါ့အဇ္ဈတ္တကို ဆောင့်တိုက်သွားတယ်
အပြင်မှာမိုးတွေတအားရွာနေတယ်
တစ်ခန်းလုံးမှောင်ကျသွားတယ်
ကြောင်က ငါ့စာအုပ်တွေပေါ်ပြေးတက်သွားတယ်
ငါ မင်းကိုပဲ စဉ်းစားနေခဲ့တာ
သတိရစရာမရှိဖူးတဲ့အကြောင်း သတိရနေခဲ့တာ
ငါ့နားကြပ်ထဲမှာ ဂစ်တာသံကဲတဲ့ ငါနားမလည်တဲ့ J-Rock တွေ
ငါ့သိစိတ်ထဲမှာ ပျံစရာအတောင်ပံတွေလိုချင်တဲ့ ချာတိတ်မလေးတစ်ယောက်
ဒီလိုနေ့မျိုးမှာ မင်းဘယ်လိုနေမလဲ

အပြင်မှာ
လေတွေတအားတိုက်နေတယ်

အပြင်မှာ
မိုးတွေတအားရွာနေတယ်


       ပိုင်ဉာဏ်
       8th July, 2014